တုပ်ကွေးရောဂါနှင့် ပတ်သက်၍ သိကောင်းစရာများကို ပြောပြပေးချင်ပါတယ်။ ရာသီတုပ်ကွေးရောဂါကို ဖြစ်ပေါ်စေသော ရောဂါပိုးများစွာရှိသည့်အနက်မှ Type A or B influenza viruses (၂)မျိုးကြောင့် အဖြစ်များပါတယ်။

အသက်အရွယ်မရွေးဖြစ်ပွားနိုင်ပြီး…

– ကိုယ်ဝန်ဆောင်မိခင်များ၊

– အသက် ၅ နှစ်အောက် ကလေးငယ်များ၊

– အသက် ၆၅ နှစ်နှင့်အထက် သက်ကြီးရွယ်အိုများ၊

– ပန်းနာရင်ကျပ်၊ နှလုံးရောဂါ၊ အဆုတ်ရောဂါ၊ ဆီးချိုရောဂါနှင့် ခုခံအားကျဆင်းမှု ကူးစက်ရောဂါကဲ့သို့သော နာတာရှည်ရောဂါ ခံစားနေရသူများနှင့်

– ကျန်းမာရေးဝန်ထမ်းများအနေနှင့် ပို၍ဂရုစိုက်သင့်ပါသည်။

တုပ်ကွေးရောဂါသည် ရောဂါပိုးရှိနေသူတစ်ဦးမှ ချောင်းဆိုးခြင်း၊ နှာချေခြင်းတို့ကြောင့် ဖြစ်ပေါ်လာသော အမှုန်အမွှားလေးများအား လေထုထဲမှတစ်ဆင့် တစ်ခြားသူတစ်ဦးသို့ အသက်ရှူလမ်းကြောင်းမှ ရှူမိရာကနေ ကူးစက်နိုင်ပါသည်။ တုပ်ကွေးရောဂါ ခံစားရပြီဆိုရင်တော့…

* ဖျားခြင်း၊

* နှာစေးခြင်း၊

* လည်ချောင်းနာခြင်း၊

* ချောင်းဆိုးခြင်း (ချောင်းခြောက်ဆိုးခြင်း)၊

* ခေါင်းကိုက်ခြင်း၊

* အရိုးအဆစ်နှင့် ကြွက်သားများ နာကျင်ကိုက်ခဲခြင်း၊

* ဝမ်းလျောခြင်း၊

* အော့အန်ခြင်း၊

* ပင်ပန်းနွမ်းနယ်၍ နုံးချည့်ခြင်း စတဲ့လက္ခဏာများ ခံစားရနိုင်ပါတယ်။

တုပ်ကွေးရောဂါကာကွယ်ဖို့ အကောင်းဆုံးနည်းလမ်းကတော့ နှစ်စဉ် “တုပ်ကွေးရောဂါကာကွယ်ဆေးထိုးနှံပေးခြင်း” ပဲဖြစ်ပါတယ်။ တုပ်ကွေးရာသီမစခင် အချိန်ကာလတွေမှာ ကာကွယ်ဆေးထိုးနှံထားမယ်ဆိုရင်တော့ အထိရောက်ဆုံး ကာကွယ်နိုင်မှာ ဖြစ်ပါတယ်။ တုပ်ကွေးရောဂါ ခံစားရပြီဆိုရင်တော့…

ရေများများသောက်ပါ။
ကျန်းမာရေးနှင့် ညီညွတ်သော အစားအစာများကို အာဟာရမျှတစွာ စားသုံးပေးပါ။
လုံလောက်စွာ အနားယူပါ။
နားလည်တတ်ကျွမ်းသော ဆရာဝန်၊ ဆေးဝါးပညာရှင်များနှင့် တိုင်ပင်၍ ထိရောက်သော ကုသမှုများ ခံယူပါ။
တခြားသူများကို ကူးစက်မှု လျော့နည်းစေရန်အတွက် နှာချေ၊ ချောင်းဆိုးသည့်အခါ လက်ကိုင်ပုဝါ၊ တစ်ရှူး စသည့်တို့ကို အသုံးပြုပါ။
မျက်လုံး၊ နှာခေါင်းနှင့် ပါးစပ်ကို မကြာခဏ ထိတွေ့ကိုင်တွယ်ခြင်းမှ ရှောင်ကြဉ်ပါ။
နာမကျန်းဖြစ်နေသူများနှင့် အနီးကပ်ထိတွေ့ခြင်းမှ ရှောင်ကြဉ်ပါ။
မိမိကိုင်တွယ် ထိတွေ့ထားသော အရာဝတ္ထုတို့၏ မျက်နှာပြင်များကို သေချာစွာ ပိုးသတ်သန့်ရှင်းရေးလုပ်ပါ။
လက်ကိုဆပ်ပြာ (သို့) Alcohol-based Hand gel နှင့်မကြာခဏ စင်ကြယ်အောင် ဆေးကြောပါ။
အခြားသူများကို ကူးစက်မှု လျော့ချနိုင်ရန်အတွက် မိမိအိမ်မှာပဲ နေထိုင်ပါ။
အဖျား 101-102°F ကို 3-5 ရက်ထက် ပို၍ခံစားရခြင်း။
အသက်ရှူရ ခက်ခဲလာခြင်း။
ရင်ဘတ်အောင့်ခြင်း။
အားနည်း၍ ဖြူဖျော့လာခြင်း။
အကြိမ်အရေအတွက်များစွာ အော့အန်ခြင်း စသည်တို့ကို ဆိုးရွားစွာခံစားလာရပါက နီးစပ်ရာကျန်းမာရေးဌာနသို့ အမြန်ဆုံးသွားရောက်၍ ကုသမှုခံယူပါ။